پاکستانی سیاست میں زبان کا پھسلنا اور حقائق کا غلط حوالہ دینا کوئی معمولی بات نہیں ہے،کانپیں ٹانگ رہی ہیں سے لے کر جرمنی اور جاپان کی مشترکہ سرحدیں تک، پاکستانیوں نے سیاستدانوں کی کئی غلطیاں دیکھی ہیں۔
اب پاکستان مسلم لیگ (ن) کی چیف آرگنائزر مریم نواز کی تازہ ترین غلطی نے نہ صرف مقامی توجہ حاصل کی ہے بلکہ بین الاقوامی سطح پر بھی توجہ حاصل کی جس میں عالمی شہرت یافتہ مصنف پاؤلو کویلہو بھی شامل تھے۔
ماجرا کیا ہے؟
ہوا دراصل یہ کہ مریم نواز نے برازیل کے نامور مصنف پاؤلو کویلہو کا غلط نام لیا جنہوں نے دی الکیمسٹ سمیت کئی مقبول کتابیں تحریر کی ہیں۔
ایک انٹرویو کے دوران مریم نواز نے پاؤلو کویلہو کی جگہ پاؤلو ‘کویڈو’ کہہ ڈالا جس کی ویڈیو ٹوئٹر پر وائرل ہوگئی۔
جانئیے ۔ مریم نواز کون سی کتابیں پڑھتی ہیں ؟
pic.twitter.com/drjyHTqcJt— Ammar Masood (@ammarmasood3) March 9, 2023
دوران انٹرویو مریم نواز سے ان کی پسندیدہ کتابوں کے حوالے سے پوچھا گیا تو انہوں نے جواب میں کہا کہ انہیں تاریخ میں خاصی دلچسپی ہے، جیسا کہ مصنف پاؤلو کویڈو ہیں، میں انہیں بہت شوق سے پڑھتی ہوں۔
مریم نواز کا ویڈیو کلپ سوشل میڈیا پر وائرل ہوا تو صارفین کی جانب سے ان پر خاصی تنقید کی گئی اور مختلف تبصرے بھی کیے گئے جب کہ اس کے برعکس پاؤلو کویلہو نے بذات خود اس ویڈیو پر ردعمل دیا۔
برازیلین مصنف کی جانب سے مریم کی غلطی کا دفاع کیا گیا۔
انہوں نے تمام ناقدین کے لیے ویڈیو کو شیئر کیا اور لکھا ‘میں غیر ملکی ناموں کے تلفظ میں اکثر غلطیاں کرتا ہوں لہذا تنقید نہ کریں’۔
https://twitter.com/paulocoelho/status/1634217415738380288?ref_src=twsrc%5Etfw%7Ctwcamp%5Etweetembed%7Ctwterm%5E1634217415738380288%7Ctwgr%5E26d7f9e5926e81fef32871bd139a5193df2d06f6%7Ctwcon%5Es1_&ref_url=https%3A%2F%2Furdu.geo.tv%2Flatest%2F320863-
