پی ایس ایکس: انڈیکس میں پوائنٹس کمی۔

پاکستان اسٹاک ایکسچینج (پی ایس ایکس) میں جمعہ کو سرمایہ کاری کا منفی دن رہا۔ انڈیکس 606 پوائنٹس کم ہوگیا۔پاکستان اسٹاک کا ہنڈریڈ انڈیکس آج 606 پوائنٹس کم ہوکر 40 ہزار 70 پر بند ہو اہے۔کاروباری دن میں ہنڈریڈ انڈیکس 942 پوائنٹس کے بینڈ میں رہا۔ انڈیکس کی کم ترین سطح آج 39 ہزار 902 رہی۔حصص بازار میں آج 34 کروڑ شیئرز کے سودے ہوئے جن کی مالیت 12 ارب 44 کروڑ روپے رہی۔ مارکیٹ کیپٹلائزیشن 110 ارب روپے کم ہوکر 7538 ارب روپے ہوگئی ہے۔