کراچی: آئندہ 24 گھنٹوں کے دوران شہر کا موسم گرم اور مرطوب رہنے کا امکان ہے۔
محکمہ موسمیات نے بتایا کہ شہر کا کم سے کم درجہ حرارت 28.2 ڈگری سینٹی گریڈ ریکارڈ ہوا جب کہ زیادہ سے زیادہ درجہ حرارت 35سے 37 ڈگری سینٹی گریڈ تک رہنے کا امکان ہے۔
محکمہ موسمیات کے مطابق ہوا میں نمی کا تناسب 72 فیصد ہے اور سمندری ہوائیں 11کلو میٹر فی گھنٹہ کی رفتار سے چل رہی ہیں۔
دوسری جانب فضا میں ہوا کا زائد دباؤ موجود ہے جس کے سبب سندھ کے بیشتر مقامات پر 20 مئی تک ہیٹ ویو کی صورتحال برقرار رہنے کا امکان ہے۔
محکمہ موسمیات کے مطابق دادو ،شہید بینظیر آباد، نوشہروفیروز میں درجہ حرارت معمول سے 5 سے 7 ڈگری سینٹی گریڈ زائد رہنے کا امکان ہے، جیکب آباد، سکھر اور ملحقہ علاقوں میں بھی درجہ حرارت معمول سے 5 سے 7 ڈگری سینٹی گریڈ زائد اور بدین ،تھرپارکر، عمرکوٹ، حیدرآباد میں درجہ حرارت معمول سے 3 سے 5 ڈگری سینٹی گریڈ زائد رہ سکتا ہے۔
