مسجد نبویﷺ واقعے پر سینیٹ کی قائمہ کمیٹی برائے انسانی حقوق نے درج ہونے والی ایف آئی آرز کی تعداد اور تفصیلات مانگ لیں۔
کمیٹی نے سوال کیا کہ کیا ایف آئی آر سے قبل ضروری شرائط پوری کی گئیں؟ اگر جرم سعودی عرب میں ہوا تو کیا وہاں ایسے مقدمات درج کیے گئے؟ پاکستان میں کن بنیادوں پر مقدمات درج ہوئے؟
کمیٹی نے اس حوالے سے تمام تفصیلات طلب کرلی ہیں اور کمیٹی کا اجلاس 9 مئی کو ہوگا۔
اجلاس میں وزارتِ انسانی حقوق، داخلہ، آئی جی پنجاب، سی پی او فیصل آباد سے بریفنگ لی جائے گی ۔
