بلوچستان کے اضلاع کیچ اور چاغی میں ہونے والے دو ٹریفک حادثات نے گیارہ افراد کی جانیں لے لیں۔
ڈپٹی کمشنر کیچ حسین جان نے جی نیوز کو بتایا کہ تربت کے علاقے سامی میں ایم ایٹ ہائی وے پر کار موٹرسائیکل سے ٹکرا کر الٹ گئی جس کے نتیجے میں دو موٹرسائیکل افراد اور کار میں سوار 5 افراد جاں بحق ہوئے جب کہ تین زخمی ہوگئے۔
حادثے میں جاں بحق ہونے والوں کی لاشوں اورزخمیوں کوفوری طور پر مقامی اسپتال پہنچادیا گیا جہاں ان کی شناخت عنایت اللہ ، نعمان اور مہرجان کے نام سے ہوئی۔
اس کے علاوہ جاں بحق ہونے والی خواتین میں سائرہ امبر، نذیر،اور سرور بھی شامل ہیں، حادثے میں جاں بحق ہونے والے دونوں موٹرسائیکل سواروں کا تعلق خضدار کے علاقے نال اور کار سوار وں کا تعلق پنجگور کے علاقے تسپ سے ہے ۔
ٹریفک کا دوسرا حادثہ ضلع چاغی میں نوکنڈی کے مقام پر پیش آیا جہاں تیل بردار پک اپ دوسری پک اپ سے ٹکرا گئی جس کے نتیجے میں 4 افرادہلاک جب کہ پانچ زخمی ہوگئے۔
