لاہور سمیت پنجاب بھر میں کورونا کی بھارتی قِسم ڈیلٹا ویرینٹ کے ٹیسٹ تاخیرکا شکار ہوگئے۔
محکمہ صحت ذرائع کےمطابق ڈیلٹا ٹیسٹ مشین تو ہے لیکن اسے چلانے کے لیے تربیت یافتہ عملہ موجود نہیں، ٹیسٹ مشین کی ایکسپرٹ خاتون آسٹریلیا چلی گئی ہیں ، انہیں آسٹریلیا جانےکے لیے حکومت پنجاب نے این او سی جاری کیا تھا ، خاتون کے جانے پر ڈیلٹا وائرس کے ٹیسٹ بند ہوگئے ہیں۔
محکمہ صحت کا کہنا ہےکہ این آئی ایچ میں بھجوائےگئے 60 فیصدنمونوں میں ڈیلٹا وائرس پایا گیا تھا، پنجاب میں ڈیلٹا وائرس کے مریضوں کا ڈیٹا جمع نہیں کیا جاسکا ہے۔
